प्युठानमा जिप दुर्घटना, ६ जनाको मृत्यु

काठमाडौं । प्युठानको गौमुख गाउँपालिकास्थित ओखरपाटामा जिप दुर्घटना हुँदा ६ जनाको मृत्यु भएको छ । बेहुली लिएर फर्किंदै गरेको ग १ ज ५०९२ नम्बरको जिप दुर्घटना हुँदा ६ जनाको मृत्यु भएको र ७ जना घाइते भएको जनाइएको छ । मृतक र घाइतेको सनाखत भइसकेको छैन ।
जिप नौबहिनी गाउँपालिकाको लुङबाट बेहुली लिएर गौमुखी गाउँपालिकाको लिवाङ फर्किंदै गर्दा शनिबार बिहान ३ बजे दुर्घटना भएको प्रहरीले जानकारी दिएको छ । घाइतेहरूको जिल्ला अस्पतालमा उपचार भईरहेको छ ।