काठमाडौं । भारतीय अभिनेता प्रवीण कुमारको हृदयाघातका कारण निधन भएको छ। सोमबार राती दिल्लीस्थित आफ्नै घरमा उनको निधन भएको भारतीय सञ्चार माध्यामले जनाएका छन्।
उनी ७४ वर्षका हुन् । उनले चर्चित धारावाहिक नाटक महाभारतमा भीमको चरित्र निभाएका थिए । प्रवीणको निधन भएको पुष्टि महाभारतमा युधिष्ठिरको भूमिका निभाएका गजेन्द्र चौहानले गरेका हुन् ।
उनले लेखेका छन् ‘आज बिहानै एक दु:खद समाचार पाएको छु। सामाजिक संजालमा उनले लेखेका छन् ‘मेरा महाभारतका भाइ प्रवीण कुमारजीले हामी सबैलाई छोडेर अनन्त यात्रामा निस्किएका छन । विश्वास लागिरहेको छैन। तपाईं सधैँ स्मरणमा रहिरहनु हुनेछ।’
महाभारतबाहेक उनले अन्य थुप्रै धारावाहिक र बलिउड फिल्ममा पनि अभिनय गरेका छन्।
प्रतिक्रिया दिनुहोस्