प्रतितोला १०० रुपैयाँले बढ्यो सुनको मूल्य

काठमाडौं । नेपाली बजारमा आज पनि सुनको मूल्य बढेको छ । कारोबार साताको चौथो दिन बुधबार २०० रुपैयाँले बढेको सुनको मूल्य आज पाँचौं दिन बिहीबार भने प्रतितोला १०० रुपैयाँले बढेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख १० हजार ७०० मा कारोबार भइरहेको छ भने तेजाबी सुनको मूल्य १ लाख १० हजार १५० रुपैयाँ कायम भएको छ ।

चाँदीको मूल्य आज १ हजार ३९५ रुपैयाँ कायम भएको छ । चाँदीको मूल्य  अघिल्लो दिनको तुलनामा १५ रुपैयाँ बढेको हो ।