काठमाडाैं । नेपाल र बंगलादेशको महिला फुटबल टोलीले आज दोस्रो अन्तर्राष्ट्रिय मैत्रीपूर्ण खेल खेल्दैछन् । नेपाल र बंगलादेशबीचको खेल ढाकाको कमलपुरस्थित विरश्रेष्ठ शहीद सिपाही मोहम्मद मुस्तफा कमल स्टेडियममा नेपाली समयअनुसार साँझ ५:१५ बजे सुरु हुनेछ।
दुवै टोली आजको खेलमा जीत निकाल्न पूरा कोसिस गर्नेछन् । पहिलो खेल १–१ को बराबरीमा सकिएको थियो। पहिलो खेलमा सावित्रा भण्डारीले इन्जुरी समयमा गोल गरेपछि नेपालले बंगलादेशसँग १–१ को बराबरी खेल्न सफल भयो ।
आजको खेलमा पनि नेपाल गत वर्ष काठमाडौं साफ च्याम्पियनसिपको फाइनलकाे बंगलादेशसँगको हारको बदला लिन चाहन्छ। साफ फाइनलमा बंगलादेशसँग ३–१ ले पराजित हुँदा नेपाल उपाधि जित्न वञ्चित भयो ।
प्रतिक्रिया दिनुहोस्