काठमाडाैँ । पूर्वप्रधानमन्त्री डा.बाबुराम भट्टराईले बुढीगण्डकी आयोजना शक्तिशाली प्राधिकरण बनाएर अघि बढाउनु पर्ने बताएका छन् ।
आज गोरखाको सिउरिनेटारमा फिल्ड कार्यालय स्थापना कार्यक्रममा बोल्दै भट्टराईलेबुढीगण्डकी आयोजना आयोजना विकास गर्न एउटा शक्तिशाली प्राधिकरण बनाएर अघि बढ्नुपर्ने बताएका हुन् ।
डा. भट्टराईले यो आयोजनामा मुआब्जा सहजरुपमा वितरण भएपनि आयोजनाको निर्माण अघि बढ्न नसकेको बताए । उनले बुढीगण्डकी आयोजनाबाट देशले ठूलो आर्थिक लाभ लिन सक्ने बताए ।
यो आयोजना विकास गर्न एउटा शक्तिशाली प्राधिकरण बनाएर अघि बढ्नुपर्ने भट्टराईको भनाई छ । तर सरकारले यो कुरा बुझ्न नसकेको बताउँदै उनले आयोजना प्राधिकरण मातहत अघि बढाउन सकिने समेत बताए । हाल स्थापना भएको कम्पनीलाई प्राधिकरणको मातहतमा राख्न सकिने समेत उनले बताए ।
भट्टराईले बुढीगण्डकी विकास प्राधिकरणको अध्यक्षमा विद्युत प्राधिकरणका प्रमुख कुलमान घिसिङलाई बनाउन समेत प्रस्ताव गरे ।
प्रतिक्रिया दिनुहोस्