तोलामा ३०० रुपैयाँले घट्यो सुनको मूल्य

काठमाडौं । नेपाली बजारमा आज पनि सुनको मूल्य घटेको छ । कारोबार साताको पहिलो दिन आइतवार तोलामा ५०० रुपैयाँले घटेको सुनको मूल्य कारोबार साताको दोश्रो दिन आज पनि घटेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा ३०० रुपैयाँ घटेर १ लाख १२ हजार रुपैयाँमा कारोबार भइरहेको छ । यस्तै तेजावी सुन तोलामा १ लाख ११ हजार ४५० रुपैयाँमा कारोबार भइरहेको छ ।

आज चाँदीको मूल्य पनि घटेको छ । आइतवार तोलामा १५ रुपैयाँ घटेर प्रतितोला १ हजार ४६५ रुपैयाँ तोकिएको मा आज तोलामा ५ रुपैयाँले घटेर १ हजार ४६० मा कारोबार भइरहेको छ ।