काठमाडाैँ । नेपाली कांग्रेसका युवा नेता गुरुराज घिमिरेले पार्टीको केन्द्रीय समितिको बैठक भारदारी सभाजस्तो भएको टिप्पणी गरेका छन् ।
मंगलबार काठमाडौंमा आयोजित कार्यक्रमलाई सम्बोधन गर्दै नेता घिमिरेले केन्द्रीय समिति बैठकलाई नियालेर हेर्दा भारदारी सभाजस्तो लागेको टिप्पणी गरेका हुन् । उनले पार्टी पदमा बस्नेहरूको मात्रै नभएको बताए । ‘पार्टी पदमा बस्नेहरूको मात्रै होइन । केन्द्रीय समिति एउटा दायराको विषय मात्रै हो,’ उनले भने ।
घिमिरेले पार्टी व्यक्तिगत मामिला मात्रै नभएको पनि बताए । ‘हामीले पार्टीलाई सुझाव दिएका छौँ । पार्टीले कस्तो निर्णय गर्छ हामीले कुरिरहेका छौँ, रुपान्तरण हुन्छ कि हुँदैन ?,’ उनले भने ।
उनले पार्टीको निर्णयमा आफूहरूका कुरा आउनुपर्ने पनि बताए ।
प्रतिक्रिया दिनुहोस्