महिला विश्वकप फुटबल : आज समूह चरणका तीन खेल हुने

काठमाडाैं ।  फिफा विश्वकप फुटबल अन्तर्गत आज पनि समूह चरणका ३ खेल हुने भएका छन् । पहिलो खेलमा बिहान पौने ७ बजे अमेरिका र नेदरल्याण्ड्स भिड्नेछन् । समूह ई मा अमेरिका शीर्ष तथा नेदरल्याण्ड्स दोस्रो स्थानमा छ ।

आजको खेलको विजेताले एक खेल अगावै प्रि क्वाटरफाइनलमा स्थान पक्का गर्न सफल हुनेछ। यसैगरी आजै यही समूहको पोर्चुगल र भेतनाम आमने सामने हुनेछन् । यो खेल सवा १ बजे सुरु हुनेछ।

पहिलो खेलमा दुवै टिम पराजित भएकाले आज जीत निकाल्ने टोलीको प्रिक्वाटरफाइनल सपुग्ने सम्भावना कायमै रहन्छ। यस्तै, आजै अपरान्ह पौने ४ बजे घरेलु टोली अस्ट्रेलिया र नाइजेरिया भिड्नेछन् । समूह बीमा अस्ट्रेलिया दोस्रो स्थानमा रहेको छ। नाइजेरियाल तेस्रो स्थानमा छ।