काठमाडौँ । सहिद स्मारक ’ए’ डिभिजन लिग फुटबलको ११औ चरणको पहिलो दिन आज(मंगलबार) दुवै खेल बराबरी भएका छन् ।
द्यशरथ रंगशालामा भएको ब्रिगेड ब्वाइज र च्यासल युथ क्लबले गोलरहित बराबरी खेलेका हुन् ।
खेल गोलरहित बराबरी भएपछि दुवै टिमले अंक बाडेका छन् । अंक बाडेसंगै ब्रिगेडले ११ खेलमा ७ अंक जोडेर ब्रिगेड १३औं स्थानमा छ भने च्यासल ११ खेलमा ६ अंक जोड्दै अन्तिममा रहेको छ ।
त्यस्तै आजै भएको अर्को खेलमा पनि जावलाखेल युथ क्लबले फ्रेन्ड्स क्लबसँग बराबरी खेलेको छ ।
एन्फा कम्प्लेक्समा भएको खेलमा जावलाखेल फ्रेन्ड्स क्लबसँग ३–३ गोलको बराबरीमा रोकिएको हो ।
आजको बराबरी खेलसँगै जावलाखेल ११ खेलमा १० अंकका साथ ११औं स्थानमा रहेको छ भने फ्रेन्ड्सले ११ खेलमा ७ अंक जोड्दै १२औं स्थानमा रहेको छ ।
प्रतिक्रिया दिनुहोस्