काठमाडौँ । कतार एयरवेज सहिद स्मारक ’ए’ डिभिजन लिग फुटबलमा मछिन्द्र फुटबल क्लबले उपाधि जितेको छ । आज(बुधबार) दशरथ रंगशालामा भएको खेलमा सातदोबाटो युथ क्लबलाई १–० गोल अन्तरले हराउँदै मछिन्द्र दुई खेलहुनु अगाबै च्याम्पियन बनेको हो ।
मछिन्द्रलाई जित दिलाउनका लागि खेलको ५३ औं मिनेटमा नोर्लान नोभ्रुजोभले निर्णायक गोल गरेका हुन् ।
आजको जितसँगै शीर्ष स्थानमा रहेको मछिन्द्रले ११ खेलमा २९ अंक जोडेको छ भने ११ खेलमा १५ अंक जोडेको सातदोबाटो छैटौं स्थानमा रहेको छ ।
मछिन्द्रले लगातार दोस्रो पटक शीर्ष डिभिजन लिगको उपाधि जितेको हो । मछिन्द्रले पछिल्लो पटक २०७६ सालमा अन्तिम खेलमा त्रिभुवन आर्मी क्लबलाई हराउँदै उपाधि हात पारेको थियो ।
प्रतिक्रिया दिनुहोस्