थप चार जनाको मृत्यु, दुई सय ६२ नयाँ संक्रमित

काठमाडौँ । नेपालमा पछिल्लो २४ घण्टामा कोरोना संक्रमणबाट चार जनाले ज्यान गुमाएका छन् भने दुई सय ६२ जना संक्रमित थपिएका छन् ।

नौ हजार आठ सय १५ जनामा आरटीपीसीआर र एन्टीजेन परीक्षण गर्दा दुई सय ६२ जनामा कोरोना भाइरस संक्रमण पुष्टि भएको मन्त्रालयले जनाएको छ ।

मन्त्रालयका अनुसार पछिल्लो २४ घण्टामा ३३ हजार दुई सय ५४ जनाले कोरोना भाइरसविरुद्धको खोप लगाएका छन् । यसै अवधिमा एक हजार तीन सय ३८ जना संक्रमणमुक्र भएका छन् ।

नेपालमा हाल १२ हजार दुई सय ४४ जना सक्रिय संक्रमित रहेको मन्त्रालयले बताएको हो ।