काठमाडौँ । नेपालमा डेंगु संक्रमितको सङ्ख्या दिनप्रतिदिन बढ्दै गइरहेको छ । हाल डेंगु संक्रमितको सङ्ख्या साढे २२ हजार नाघेको ईपीडीमीयोलोजी तथा रोग नियन्त्रण महाशाखाका (ईडीसीडी) ले जनाएको छ ।
तथ्याङ्क अनुसार गएको साढे सात महिनाको अवधिमा संक्रमितको कुल सङ्ख्या २२ हजार ६२७ जना पुगेको हो । संक्रमित मध्ये १४ जनाको मृत्यु भएको ईडीसीडीले जनाएको छ । यस्तै डेंगु संक्रमण ७५ जिल्लामा फैलिएको ईडीसीडीले जनाएको छ ।
कुन प्रदेशमा कति संक्रमित ?सात प्रदेश मध्ये सबैभन्दा धेरै कोसी प्रदेशमा डेंगु संक्रमित दर उच्च रहको पाइएको छ । महाशाखाका अनुसार कोसी प्रदेशमा मात्रै १७ हजार ८८ जना डेंगु संक्रमित छन् । त्यसपछि बागमती प्रदेशमा ३ हजार २४९ जना संक्रमित छन् भने गण्डकी प्रदेशमा ६७९ जनामा संक्रमण पुष्टि भएको छ ।
सुदूरपञ्चिम प्रदेशमा ६६०, मधेस प्रदेशमा ५१९, लुम्बिनी प्रदेशमा ३८५ र कर्णाली प्रदेशमा ४७ जना संक्रमित पुष्टि भएको महाशाखाको तथ्याङ्कमा उल्लेख छ ।
प्रतिक्रिया दिनुहोस्