तोलामा ३०० रुपैयाँले घट्यो सुनको मूल्य

काठमाडौं । नेपाली बजारमा आज पनि सुन र चाँदीको मूल्य घटेको छ । साताको पहिलो दिन आइतबार र दोश्रो दिन सोमबार बढेको सुनको मूल्य आज भने घटेको हो ।  ।

नेपाल सुनचाँदी व्यवसायी महासंघका अनुसार आज छापावाल सुनको मूल्य  तोलामा ३०० रुपैयाँले गिरावट भइ प्रतितोला १ लाख १२ हजार ७०० रुपैयाँमा कारोबार भइरहेको छ । यस्तै तेजावी सुन तोलामा १ लाख १२ हजार १५० रुपैयाँमा कारोबार भइरहेको छ ।

आज चाँदीको मूल्य पनि घटेको छ । अघिल्लो दिन चाँदी प्रतितोला १ हजार ४६५  रुपैयाँमा कारोबार भएकोमा आज तोलामा २० रुपैयाँ घटेसँगै प्रतितोला १ हजार ४४५  रुपैयाँमा कारोबार भइरहेको छ ।