काठमाडौँ । आईसीसी पुरुष टी–ट्वान्टी विश्वकप अन्तर्गतको ग्लोबल छनोट ‘ए’ मा नेपालले आज(सोमबार) क्यानडाविरुद्ध खेल्दैछ ।
नेपाल र क्यानडाबीचको खेल अमेरात क्रिकेट मैदानमा दिउँसो पौने चार बजेदेखि सुरु हुनेछ ।
विश्वकपमा छनोट हुने लक्ष्यसहित ओमान पुगेको नेपालले आज क्यानडालाई हराउदै छनोट ‘ए’ मा लगातार तेस्रो जित निकाल्न खोजेको छ । नेपालले यस अघि ओमानलाई ३९ रन र फिलिपिन्सलाई १ सय ३६ रनले हराएको थियो ।
२ खेलमा ४ अंक जोडेको नेपाल शीर्ष स्थानमा रहेको छ भने २ खेलमा २ अंक जोडेको क्यानडा दोस्रो स्थानमा रहेको छ ।
प्रतिक्रिया दिनुहोस्