आज लक्ष्मी पूजाको दिन घट्यो सुनको मूल्य

काठमाडौं । नेपाली बजारमा आज फेरि सुनको मूल्य घटेको छ । कारोबार साताको छैटौं तथा अन्तिम दिन शुक्रबार बढेको सुनको मुल्य आज कारोबार साताको पहिलो तथा लक्ष्मी पूजाको दिन आइतबार भने घटेको हो ।

नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ हजार रुपैयाँले घटेर छापावाल प्रतितोला १ लाख १३ हजार ७ सय रुपैयाँमा कारोबार भइरहेको छ । यस्तै तेजावी सुन तोलामा १ लाख १३ हजार १५० रुपयाँमा कारोबार भइरहेको छ ।

आज चाँदीको मूल्य पनि घटेको छ । आज चाँदीको मूल्यमा प्रतितोला २० रुपयाँले घटेर १ हजार ३८० रुपयाँमा कारोबार भइरहेको छ ।