सुनको मूल्यमा नयाँ कीर्तिमान, प्रतितोला १ लाख १७ हजार ४००

काठमाडाैँ । नेपाली बजारमा सुनको मूल्यमा नयाँ कीर्तिमान कायम भएको छ ।

सोमबार छापावाल सुनको मूल्य प्रतितोला एक लाख १७ हजार ४०० रुपैयाँ कायम भएको नेपाल सुनचाँदी व्यवसायी महासंघले जनाएको छ । महासंघका अनुसार यो हालसम्मकै उच्च मूल्य हो ।

यसअघि गएको कात्तिक १२ गते सुनको भाउ बढेर तोलामा १ लाख १७ हजार रुपैयाँ पुगेको थियो ।  हिजो सुनकाे मूल्य तोलामा १ लाख १६ हजार ९ सय रुपैयाँ थियो ।

अन्तर्राष्ट्रिय बजारमा नै सुनको मूल्य बढेकाले नेपाली बजारमा पनि  बढेको  सुनचाँदी व्यवसायीहरू बताउँछन् ।