काठमाडौँ । सन् २०२३ को पछिल्लो महिना नोभेम्बरमा पनि १ लाख बढी विदेशी पर्यटक नेपाल भित्रिएका छन् ।
अध्यागमन विभागको तथ्याङ्क अनुसार नोभेम्बर महिनामा १ लाख ८ हजार ६३० जना विदेशी पर्यटक नेपाल भित्रिएका हुन् ।
सन् २०१९ को नोभेम्बरमा एक लाख ३० हजार ३०२ पर्यटक नेपाल आएका थिए । सो समयको तुलनामा पर्यटक आगमन ८३.३६ प्रतिशतले रिकभर भएको बोर्डले जनाएको छ ।
२०२० को नोभेम्बरमा एक हजार ९५६, २०२१ को सोही महिनामा २६ हजार १३५ र २०२२ नोभेम्बरमा ७२ हजार ६५३ पर्यटक नेपाल भित्रिएका थिए ।
सबैभन्दा धेरै पर्यटक भारतबाट आएका छन् । यस महिनामा २४ हजार ४४३ भारतीय पर्यटक नेपाल भित्रिएका छन् । भारतपछि यूएसएबाट ११ हजार ४६१ पर्यटक नेपाल आएको पर्यटन बोर्डले जनाएको छ ।
चीन तेस्रो स्थानमा रहेको छ । चीनबाट सात हजार ६०१ पर्यटक नेपाल आएका छन् । बेलायतबाट ६ हजार १३८, अष्ट्रेलियाबाट पाँच हजार ६०, थाइल्यान्डबाट तीन हजार ९६२ पर्यटक नेपाल आएका छन् ।
प्रतिक्रिया दिनुहोस्