लगातार नयाँ रेकर्ड बनाएको सुनको मूल्य आज २४०० रुपयाँले घट्यो

काठमाडौं । नेपाली बजारमा आज सुनको मूल्य घटेको छ । अघिल्लो हप्ताको सोमबारदेखि लगातार नयाँ रेकर्ड बनाउँदै बिहीबार स्थिर रहेर शुक्रबार घटे पनि आइतबार र सोमबार मूल्यमा लगातार किर्तिमान बनाएको सुनको मूल्य आज मंगलबार भने घटेको हो ।

नेपाल सुनचाँदी व्यवसायी महासंघका अनुसार तोलामा २ हजार ४०० रुपैयाँले घटेर आज छापावाल सुनको मूल्य प्रतितोला १ लाख १९ हजार २०० रुपैयाँमा कारोबार भइरहेको छ । यस्तै तेजावी सुन तोलामा १ लाख १८ हजार ६५० रुपयाँमा कारोबार भइरहेको छ ।

आज चाँदीको मूल्य पनि घटेको छ । चाँदीको मूल्य आज मंगलबार तोलामा ४५ रुपैयाँले घटेर प्रतितोला १ हजार ५०० रुपैयाँमा कारोबार भइरहेको छ ।