काठमाडौं । नेपालीलाई रुसी सेनामा भर्ती गराउने गिरोहलाई प्रहरीले सार्वजनिक गरेको छ ।
प्रहरीले विभिन्न स्थानबाट ११ जनालाई पक्राउ गरेको हो ।
पक्राउ पर्नेमा दिपेन परियार, क्षितिज गिरी, सुभाष लामा, मनिष न्यौपाने, रोजल महर्जन, हरि विश्वकर्मा र ईश्वरी अधिकारी, गोकर्ण अर्याल, सुजाता दाहाल, सन्तोष रोक्का, सन्तोष नेपाल र द्रोण डाँगी रहेका जिल्ला प्रहरी परिसर काठमाडौंले जनाएको छ ।
परिसरले बुधवार पत्रकार सम्मेलन गर्दै उनीहरूलाई काठमाडौंको महाराजगञ्ज, लैनचौर र ठमेल क्षेत्रबाट पक्राउ गरिएको जानकारी दिएको हो ।
उनीहरू सामाजिक सञ्जालमार्फत विज्ञापन गरेर नेपाली युवालाई रोजगारीको प्रलोभन दिने गरेका थिए । त्यसरी सम्पर्कमा आएका व्यक्तिहरूसँग रकम असुली गरेर उनीहरूले यूएई हुँदै रुससम्म लैजाने गरेको परिसरले जनाएको छ ।
प्रतिक्रिया दिनुहोस्