तोलामा १०० रुपैयाँले बढ्यो सुनको मूल्य

काठमाडौं । नेपाली बजारमा आज सुनको मूल्य बढेको छ । कारोबार साताको अन्तिम दिन शुक्रबार तोलामा ८०० ले बढेको सुनको मूल्य कारोबार साताको पहिलो दिन आइतबार पनि तोलामा १०० ले बढेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख १९ हजार ९०० रुपैयाँमा कारोबार भइरहेको छ । यस्तै तेजावी सुन तोलामा १ लाख १९ हजार ३५० रुपयाँमा कारोबार भइरहेको छ ।

आज चाँदीको मूल्य भने घटेको छ । चाँदीको मूल्य आज तोलामा १० रुपैयाँले घटेर प्रतितोला १ हजार ४७५ रुपैयाँमा कारोबार भइरहेको छ ।