काठमाडौं । जनता समाजवादी पार्टीका केन्द्रीय सदस्य देवी सुवेदी र संविधान सभा सदस्य डिबी नेपालीसहित सयौं नेता कार्यकर्ता नेकपा एमाले प्रवेश गरेका छन्।
उनीहरुलाई नेकपा एमालेका अध्यक्ष केपी शर्मा ओलीले पोखरामा मंगलबार पार्टी प्रवेश गराएका हुन् । एमाले प्रवेश गरेकाहरूमा जसपाका ९ जना केन्द्रीय सदस्य छन्। त्यस्तै प्रदेश पदाधिकारी तथा सदस्य , जिल्ला सदस्य तथा भ्रातृसंगठनका अध्यक्षसहित अनय पार्टीबाट पनि सयौंको सख्यामा एमालेमा प्रवेश गरेका हुन्।
‘सुखी नेपाली समृद्धि नेपाल बनाउन एमालेको विकल्प देखेनौँ,’ सुवेदीले एमाले प्रवेश गर्दै भनेका छन्, ‘राष्ट्रियताको रक्षा गर्न पनि एमाले नै अब्बल देखियो।’
सुवेदीले सबल र सक्षम नेतृत्व केपी ओलीमा मात्रै रहेको पनि बताएका छन्।
प्रतिक्रिया दिनुहोस्