काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले यूएईमा हुने आइएल टी- २० प्रतियोगिता खेल्ने भएका छन् ।
गल्फ जायन्ट्स यूएईमा आधारित इन्टरनेसनल लिग (आईएल)को टिम हो ।
गल्फ जायन्ट्सको स्काउटिङ टिमले नेपाली क्रिकेट र यसका प्रतिभाशाली खेलाडीको प्रदर्शनलाई नियाल्दै आएको जनाएको छ । अलराउन्डमा विशेष छविका साथ परिचित ऐरी छनोट भएको टिमले जानकारी गराएको छ ।
ऐरीले गल्फ जायन्ट्समा सहभागी हुन पाएकामा खुसी व्यक्त गरेका छन् । उनले यो विशेष अवसर भएको भन्दै टिमको सफलतामा योगदान गर्न उत्सुक रहेको बताएका छन् ।
नेपाल क्रिकेट संघ (क्यान)ले ऐरी र टिमलाई शुभकामना व्यक्त गरेको छ ।
प्रतिक्रिया दिनुहोस्