काठमाडौं । नेकपा एमालेले स्थानीय चुनावको तयारी सुरु गरेको छ । केन्द्रीय सचिवालय बैठकले स्थानीय चुनावलाई ध्यानमा राखेर घोषणापत्रको अवधारणा तयारी सुरु गरेको छ । जसको लागि कार्यशाला आयोजना गर्ने भएको छ।
वरिष्ठ उपाध्यक्ष ईश्वर पोखरेल नेतृत्वको नीति अनुसन्धान प्रतिष्ठानले स्थानीय तहका छाता संगठनका नेताहरूसहित बुधबार घोषणापत्रको प्रारम्भिक मस्यौदाको बनाउने कार्यशाला आयोजना गरेको छ ।
बुद्धिजिवी परिषद्को प्रस्तावमा आयोजित कार्यशालमा घोषणापत्रमा समेटिने विषयहरूमाथि छलफल भइरहेको धुलिखेल नगरपालिकाका मेयर अशोक ब्यान्जुले जानकारी दिए ।
स्थानीय तहको चुनावका लागि केन्द्रीय कार्यालयको तर्फबाट केन्द्रीय घोषणापत्र तयार पार्ने र ७५३ स्थानीय तहको लागि घोषणापत्रको फर्म्याट बनाउने तयारी गरेको बताएको छ । यो पाँच बर्षमा एमालेका स्थानीय तहका जनप्रतिनिधिहरुले गरेका कामको विवरणपनि समेटिने बताइएको छ ।
पाँच बर्षसम्म एमालले जितेका पालिकामा भएको कामको विवरण संकलन गर्ने काम भइरहेको पृथ्वीसुब्बा गुरुङले बताए ।
कार्यशालमा पार्टीका वरिष्ठ नेताहरू, योजना आयोगका पूर्वपदाधिकारीका साथै विज्ञहरू सहभागी छन् ।
प्रतिक्रिया दिनुहोस्