काठमाडौं । नेपाली कांग्रेस केन्द्रीय समिति बैठक बस्नु अघि वरिष्ठ नेता रामचन्द्र पौडेल पक्षका नेताहरुको बैठक बसेको छ । पौडेल निवास बोहोराटारमा बैठक जारी रहेको पौडेलका स्वकीय सचिव चिरञ्जीवी अधिकारीले जानकारी दिए ।
बैठकमा केन्द्रीय सदस्य शशांक कोइराला, दीपक गिरी र पौडेल निकट केही जिल्ला सभापतिहरु सहभागी भएका बताइएको छ ।
कांग्रेस केन्द्रीय समितिको बैठक आज दिउँसो २ बजे पार्टी कार्यालय सानेपामा बस्दै छ । सो बैठकमा गठबन्धन अघिडि बढाएर लिने नलिने विषयमा पनि छलफल हुने बताइएको छ । चुनावमा उम्मेदवारहरुलाई टिकट बाँड्ने समिति गठनका विषयमा छलफल हुँदै छ ।
तिनै विषयमा आफ्नो धारणा बनाउन पौडेलले आफू निकटका नेताहरुको बैठक बसालेको उनी निकट एक नेताले बताए । कांग्रेसमा गठबन्धनका अघाडि बढाउने नबढाउने भन्ने विषयमा दुई पक्ष छन् ।
प्रतिक्रिया दिनुहोस्