आसिफ शेखको अर्धशतकमा नेपालको शानदार जीत

काठमाडौँ । त्रिकोणात्मक टी–ट्वान्टी अन्तर्राष्ट्रिय सिरिजमा नेपालले लगातार दोस्रो जित निकालेको छ । आज(बुधबार) टियु मैदानमा भएको खेलमा मलेसियालाई ६ विकेटले हराउँदै नेपालले लगातार दोस्रो जित निकालेको हो ।

मलेसियाले दिएको १ सय १५ रनको लक्ष्य पछ्याएको नेपालले १३ ओभर ४ बलमा ४ विकेट गुमाएर शानदार जीत हात पारेको हो । नेपालको जितमा आसिफ शेखले ५७ रनको अर्धशतकीय इनिङ खेलेका छन् । आजको जितसँगै नेपाल सिरिजको फाइनल नजिक पुगिसकेको छ ।

नेपालले पहिलो खेलमा पपुवा न्युगिनी (पीएनजी) लाई १५ रनले पराजित गरेको थियो ।

नेपालले २ खेलमा ४ अंक जोड्दै शीर्ष स्थानमा रहेको छ ।