बिङ्गो गेम खेलिरहेका १६ जना पक्राउ

काठमाडौं । अनलाइन बिङ्गो गेम खेलिरहेको आरोपमा प्रहरीले बौद्धबाट १६ जनालाई पक्राउ गरेको छ ।

काठमाडौं महानगरपालिका–६ बौद्धको एक खाजा घरबाट उनिहरुलाई पक्राउ गरेको हो । सूचनाको आधारमा महानगरीय प्रहरी वृत्त बौद्धबाट खटिएको प्रहरीले उनीहरूलाई पक्राउ गरेको बताइएको छ ।

प्रहरीले उनीहरुको साथबाट नगद ७४ हजार १ सय ५० रूपैयाँ, २ थान स्पिकर र १ हजार ५ सय पिस बिङ्गो टिकट बरामद गरेको छ ।