देशका पहाडी भू–भागमा मेघगर्जन र चट्याङ्सहित हल्का वर्षाको सम्भावना

काठमाडौ । पहाडी भू–भागमा आज वर्षाको सम्भावना रहेको छ । आज दिउँसो देशका पहाडी भू–भागका केही स्थानमा मेघगर्जन र चट्याङ्सहित हल्का वर्षाको सम्भावना रहेको जल तथा मौसम विज्ञान विभागले जनाएको छ ।

पहाडी भू–भागमा आंशिकदेखि सामान्य बदली रहनेछ । बाँकी भू–भागमा मौसम सामान्यतया सफा रहनेछ ।

आज राति प्रदेश–१, गण्डकी प्रदेश र कर्णाली प्रदेशका पहाडी भू–भागका एकदुई स्थानमा मेघगर्जन र चट्याङ्सहित हल्का वर्षाको सम्भावना छ । विभागका अनुसार पहाडी भू–भागमा आंशिक बदली रहनेछ । बाँकी भू–भागमा सामान्यतया मौसम सफा रहने विभागले जनाएको छ ।