कस्तो साथी रोजिन ? सै पनि एमाले, मै पनि एमालेकी गायिका प्रियाले ?

काठमाण्डौ । त्यसो त उनी एमालेको दशौं महाधिबेशन उद्घाट्नस्थल नारायणी किनारमा बहुत चञ्चल र सकृय थिईन । त्यही समय उनले समेत गाएको नयाँ गीत बिमोचन हुँदै थियो ।
त्यही समयमा एमाले अध्यक्ष केपी शर्मा ओलीले उक्त गीतमा टिमलाई नै प्रशंसापत्र दिए,उनलाई पनि ।
त्यो बेला केहीलाई मात्र थाहा थियो ,उनी छिट्टै बिबाह बन्धनमा बाधिदैछन् भन्ने कुरा ।
सै पनि एमाले मै पनि एमाले भन्ने राजनैतिक गीतबाट हिट भएकी उनै प्रियाले अमेरिकामा बस्ने युवकसँग बुटवलमा विवाह गरेकी छन् । सैं पनि एमाले, मै पनि एमाले बोलको गीतमा बद्री पंगेनीसँगै स्वर दिएपछि चर्चामा आएकी गायिका भण्डारीले दर्जनौं व्यवसायिक गीतहरु पनि गाएकी छन् ।
तर उनको अहिलेसम्मकै लोकप्रिय गीत भने एमालेको चुनावी गीत नै हो । नेकपा विभाजनको बेला ‘एकता तोडेर नजाउ साथी हो’ भन्ने बैकुण्ठ महत र उनको स्वर रहेको गीत पनि लोकप्रिय बनेको थियो ।
पछिल्लो पटक एमालेको दशौं राष्ट्रिय महाधिवेशनमा सार्वजनिक भएको बैकुण्ठ भण्डारीको ‘हाम्रो नेपालमा राम्रो एमाले’ बोलको गीतमा पनि उनले स्वर दिएकी छन् ।
उनले राजनैतिक दलका शीर्षदेखि आदर गर्ने पत्रकार र कलाकारहरुलाई समेत निम्तो पठाएकी थिईन । तर काठमाण्डौ र अन्य स्थानमा भएकाहरु आउन नसके पनि स्थानीय स्तरमा नेता कार्यकर्ताको उल्लेख्य उपस्थिती रहेको थियो । –रारा नेपाल, खबर पोष्ट