काठमाण्डौ । अहिलेसम्म ८ वटा पालिकाको चुनावी नतिजा सार्वजनिक भएको छ । सर्वजनिक भएको नतिजा अनुसार नेकपा एमाले ४ स्थानमा विजयी हासिल गर्दै अग्रस्थानमा रहेको छ । नेकपा एमालेले अहिलेसम्म मनाङको चामे गाउँपालिकाको अध्यक्षमा नेकपा एमालेका उम्मेदवार लोकेन्द्रबहादुर घले विजयी हनुभएको छ । घले यस अघि पनि पालिका अध्यक्ष हुनुहुन्थ्यो ।
मनाङ ङिस्याङ गाउँपालिका अध्यक्षमा निर्वाचित एमालेका कान्छा घलेले ८६१ मत पाउँदा निकटतम प्रतिस्पर्धी कांग्रेसका छिरिङ ओङ्मा गुरुङले ७१३ मत पाउनुभएको छ ।
यसैवीच मुस्ताङको लोघेकर दामोदरकुण्ड गाउँपालिकाको अध्यक्षमा एमालेका छोम्पेल विष्ट ६ सय ८९ मतसहित विजयी हुनुभएको छ ।
यसैवीच मुस्ताङको घरपझोङ गाउँपालिका अध्यक्षमा नेपाली कांग्रेसका मोहनसिंह लालचन २ मतको अन्तरले निर्वाचित हुनुभएको छ ।
योसहित एमाले ४ गाउँपालिका जितेर पहिलो स्थानमा कायम भएको छ भने नेपाली कांग्रेस २ गाउँपालिकासहित दोस्रो स्थानमा छ ।
नेकपा एकीकृत समाजवादीबाट यसअघि नै डोल्पामा २ गाउँपालिका अध्यक्ष निर्वाचित भएका थिए ।
सूचिसहित
नेकपा एमालेले जितेका स्थानीय तह
१) से फोक्सुण्डो गाउँपालिका – डोल्पा
२) चामे गाउँपालिका – मनाङ
३) ङिस्याङ गाउँपालिका( मनाङ
४ ) घेकर दामोदरकुण्ड गाउँपालिका – मुस्ताङ
नेपाली कांग्रेसले प्रमुख जितेका स्थानीय तह
१) नार्पाभूमी – मनाङ
२) घरपोझोङ – मुस्ताङ
नेकपा एकीकृत समाजवादीले प्रमुख जितेका स्थानीय तह
१) काइके गाउँपालिका – डोल्पा
२) छार्का साङतोङ गाउँपालिका – डोल्पा
प्रतिक्रिया दिनुहोस्