लुम्बिनी । बुद्ध जयन्तीको अवसरमा लुम्बिनीमा विशेष समारोह आयोजना गरिएको छ ।
बुद्धजयन्तीको अवसरमा आयोजना हुने विशेष समारोहमा सहभागि हुन भारतीय प्रधानमन्त्री नरेन्द्र मोदी आज लुम्बिनी आउने भएका छन् ।
उनको नेपाल भ्रमणलाई लिएर त्यस क्षेत्रको सुरक्षा व्यवस्था मजबुद बनाईएको छ । यसै अवसरमा गौतमबुद्ध अन्तर्राष्ट्रिय विमानस्थलमा अन्तर्राष्ट्रिय उडानको औपचारीक सुरुवात पनि गरिने भएको छ ।
लुम्बिनी आउने भारतीय प्रधानमन्त्री मोदी र प्रधानमन्त्री शेरबहादुर देउवाबीच औपचारिक भेटवार्ताको कार्यक्रम पनि तय गरिएको छ ।
प्रधानमन्त्रीका रुपमा मोदीको यो पाँचौ नेपाल भ्रमण हो भने २०१९ मा पुनः प्रधानमन्त्री निर्वाचित भएपछि पहिलो नेपाल भ्रमण हो ।
लुम्बिनीमा मोदी र देउवाले मायादेवी मन्दिरमा पूजाअर्चना गर्ने छन् भने बिहार क्षेत्रमा बौद्ध संस्कृति र सम्पदा केन्द्रको शिलान्यास गर्नेछन् ।
त्यस्तै परराष्ट्रमन्त्री नारायण खड्काले भारतीय प्रधानमन्त्री मोदीसंग सिष्टाचार भेट गर्नेछन् ।
प्रधानमन्त्री देउवाले समकक्षी भारतीय प्रधानमन्त्री मोदी र भारतीय प्रतिनीधि मण्डलको सम्मानमा दिवाभोजको आयोजना गर्नुभएको छ ।
मोदी आजै स्वदेश फर्किने कार्यक्रम छ ।
प्रतिक्रिया दिनुहोस्