संघीय संसद् सचिवालयले कर्मचारी युनियन अब आधिकारिक रूपमा अस्तित्वमा नरहेको जानकारी दिएको छ।
सचिवालयका कर्मचारी प्रशासन शाखाका शाखा अधिकृत विमल परियारले जारी गरेको सूचनामा भनिएको छ कि, केही नेपाल ऐन संशोधन गर्ने अध्यादेश २०८३ (अध्यादेश नं. ७) ले संघीय संसद् सचिवालय सम्बन्धी ऐन २०६४ को दफा ७३ संशोधन गरेपछि, सचिवालयमा कर्मचारी युनियन सम्बन्धी कुनै कानूनी व्यवस्था नरहेको हुनाले उक्त युनियन अब अस्तित्वमा नरहेको जानकारी गराइएको हो।
सूचनामा थप भनिएको छ कि संशोधनपछि संघीय संसद् सचिवालयका कर्मचारीहरूको युनियन अब ऐनअनुसार मान्यता प्राप्त छैन।
यस निर्णयसँगै संघीय संसद् सचिवालयका कर्मचारीहरूका लागि पूर्वमा लागू हुने युनियनका हक–अधिकार सम्बन्धी व्यवस्था अब कानूनी रूपमा लागू हुने छैनन्।
प्रतिक्रिया दिनुहोस्