झापा । नेकपा एमालेका अध्यक्ष केपी शर्मा ओलीले आगामी निर्वाचनमा एमाले सबैखाले गठबन्धनसँग एक्लै लड्ने चेतावनी दिनुभएको छ ।
झापाको कचनकवलमा भएको कार्यक्रमलाई बिहीबार सम्बोधन गर्दै अध्यक्ष ओलीले मंसिर ४ गते एमालेले सबै गठबन्धनलाई पराजित गर्ने बताउनुभयो ।
उहाँले सत्तामा रहेका कमजोरहरुले गठबन्धन बनाएको जिकिर गर्नुभयो । उहाँले भन्नुभयो, ‘लड्न सक्ने भए त एक्लाएक्लै लडिहाल्थे ।’
अध्यक्ष ओलीले पाँच दलीय गठबन्धनमा आठ वटा दल पुगेको बताउँदै अरु पनि थपेर देखाउन चुनौती दिनुभयो ।
अध्यक्ष ओलीले गठबन्धनको खासै असर नहुने भएकाले उच्च मनोबल लिएर अघि बढ्न कार्यकर्तालाई निर्देशन दिनुभयो । उहाँले १६५ मध्ये बहुमत र ११० समानुपातिकमा पनि बहुमत ल्याउनुपर्नेमा जोड दिनुभयो ।
प्रतिक्रिया दिनुहोस्