काठमाडौ। प्रधानमन्त्री शेरबहादुर देउवासँग भारतीय स्थल सेनाध्यक्ष मनोज पाण्डेले शिष्टाचार भेट गरेका छन् । रक्षामन्त्री समेत रहेका प्रधानमन्त्री देउवासँग मङ्गलबार प्रधानमन्त्रीको कार्यालय सिंहदरबारमा भारतीय सेनाध्यक्ष पाण्डेले शिष्टाचार भेट गरेका हुन ।
प्रधान सेनापति महारथी प्रभुराम शर्माको औपचारिक निमन्त्रणामा भदौ १९ गते आइतबारदेखि सेनाध्यक्ष पाण्डे नेपालको औपचारिक भ्रमणमा छन्। सोही अवसरमा आज पाण्डेले प्रधानमन्त्री देउवासँग भेट गरेका हुन ।
भारतीय सेनाध्यक्ष पाण्डे बुधबार मुक्तिनाथ दर्शनका लागि मुस्ताङ जाने तालिका रहेको छ । मुक्तिनाथको दर्शनपछि पाण्डे पोखरास्थित नेपाली सेनाको मध्य कमाण्ड हेडक्वाटर भ्रमण गर्ने कार्यक्रम रहेको छ ।
प्रतिक्रिया दिनुहोस्