काठमाडौँ । सिन्धुपाल्चोक-काठमाडौँ सम्पर्क मञ्चको आयोजनामा विजया दशमी, शुभ दीपावलीको अवसरमा शुभकामना आदान-प्रदान तथा चियापान कार्यक्रम सम्पन्न भएको छ ।
सिन्धुपाल्चोक-काठमाडौँ सम्पर्क मञ्चका अध्यक्ष राजन आचार्यको अध्यक्षतामा भएको कार्यक्रममा प्रमुख अतिथि एमाले स्थायी कमिटी सदस्य शेरबहादुर तामाङले शुभकामना दिनुहुँदै सिन्धुपाल्चोकमा गठबन्धनको कुनै डर नभएको बताए । आगामी निर्वाचनमा एमालेले सिन्धुपाल्चोकको दुवै निर्वाचन क्षेत्र जित्ने उनले बताए ।
कार्यक्रममा चौतारा साँगाचोकगढी नगरपालिकाका १५ जना युवा एमाले प्रवेश गरे । उनीहरूलाई प्रमुख अतिथि शेरबहादुर तामाङ, अरुण नेपाललगायत अतिथिहरूले खादा र माला लगाएर एमालेमा स्वागत गरेकाथिए ।
कार्यक्रममा एमाले पोलिटब्युरो सदस्य अरुण नेपाल, एमाले केन्द्रीय सदस्य दावा लामा, नेताहरू हस्त पण्डित, झम्क नेपाल, डोल्मा तामाङ, कमल नेपाल,टपेन्द्र तिमल्सिना, विष्णुमणि आचार्य, शिवहरी आचार्यलगायत नेताहरूको उपस्थिति रहेको थियो ।
प्रतिक्रिया दिनुहोस्