काठमाडाैं । उपप्रधानमन्त्री एवम् सहरी विकासमन्त्री प्रकाशमान सिंहसँग नेपालका लागि भारतका राजदूत नवीन श्रीवास्तवले शिष्टाचार भेटवार्ता गरेका छन् ।
सिंहदरबारस्थित मन्त्रालयमा भएको भेटमा द्विपक्षीय हित र आपसी चासोका विषयमा छलफल भएको जनाइएको छ ।
राजदूत श्रीवास्तवले मन्त्री सिंहलाई सफल कार्यकालको शुभकामना व्यक्त गर्दै पारस्परिक सहयोग अभिवृद्धिका निम्ति भारत सरकार तयार रहेको जानकारी दिए । सहरी विकास, नदी प्रदूषण नियन्त्रण र फोहरमैला व्यवस्थापनबारे छलफल भएको मन्त्रालयले जनाएको छ ।
भारतीय राजदूतले प्रधानमन्त्री केपी शर्मा ओलीलाई हिजो र परराष्ट्रमन्त्री डा. आरजू राणा देउवासँग आज बिहान शिष्टाचार भेटवार्ता गरेका थिए ।
प्रतिक्रिया दिनुहोस्