काठमाडौं । नेपाली कांग्रेसको १४औं महाधिवेशनबाट महामन्त्री पदमा गगनकुमार थापा र विश्वप्रकाश शर्मा विजयी भएका छन् । बिहीबार भएको मतगणनाबाट थापा र शर्मा विजयी भएका हुन । उनीहरु केहि समयपछि विजयउत्सव मनाउने तयारीमा रहेका छन् ।
थापा र शर्मा देउवाइतरको छुट्टाछुट्टै प्यानलबाट उम्मेदवार बनेका थिए ।
४६८२ मत गणना हुँदा गगनकुमार थापा ३०२३ मत प्राप्त गरेर अग्रस्थानमा विजयी भए । २२४६ मत ल्याएर विश्वप्रकाश शर्मा दोस्रो बने । थापा शेखर कोइराला र शर्मा प्रकाशमानको प्यानलबाट महामन्त्रीका उम्मेदवार बनेका थिए ।
सभापतिमा विजयी शेरबहादुर देउवा प्यानलका उम्मेदवारहरू प्रकाशशरण महतले १५५० र प्रदीप पौडेलले १४०९ मत पाएका छन् ।
कोइराला टिमका मीनेन्द्र रिजालले ८०९ मत पाए । अर्का उम्मेदवार राजाराम कार्कीले १०७ मत पाएका छन् ।
प्रतिक्रिया दिनुहोस्