नेकपा महासचिव नेत्रविक्रम चन्द (विप्लव)लाई भेट्न माओवादी केन्द्रका महासचिव जनार्दन शर्मा र नेकपा (एकीकृत समाजवादी)का महासचिव घनश्याम भुसाल शुक्रबार बिहान हरिसिद्धीस्थित विप्लवको निवास पुगेका छन्।
तीन शीर्ष नेताहरूबीच पछिल्लो राजनीतिक परिवेश, वाम आन्दोलनको दिशा र आगामी निर्वाचनमा सम्भावित सहकार्यका विषयमा विस्तृत छलफल भएको स्रोतले जनाएको छ।
नेता निकट वृतका अनुसार भेटमा वाम शक्तिहरूबीचको एकता, साझा एजेन्डा निर्माण र आगामी रणनीतिक तालमेलबारे गम्भीर र सकारात्मक संवाद भएको छ। उनीहरूले यो भेटलाई वाम आन्दोलन पुनर्संयोजनतर्फको अर्थपूर्ण पहलका रूपमा व्याख्या गरेका छन्।
हालै देशभर वाम शक्तिहरूबीच एकता र सहकार्यको सम्भावनाबारे जारी छलफलबीच भएको यो भेटलाई राजनीतिक रूपमा महत्वपूर्ण संकेतका रूपमा हेरिएको छ।
प्रतिक्रिया दिनुहोस्