धनगढी । नेकपा माओवादी केन्द्रबाट भीम भण्डारीले सुदूरपश्चिम प्रदेश सभामुखमा उम्मेदवारी दिएका छन् । उनले सभामुखका लागि आज उम्मेदवारी दर्ता गरेका हुन् ।
भण्डारीको प्रस्तावकमा माओवादीकी गीतादेवी माल र समर्थकमा नेकपा एमालेकी जानकी बम ऐर छन् ।
नेकपा एमाले र माओवादीसहितका सत्ता गठबन्धनबीच सुदूरपश्चिमको सभामुख माओवादीले पाउने सहमति भएको छ ।
नेपाली कांग्रेसबाट भने सुदूरपश्चिम प्रदेश सभाका ज्येष्ठ सदस्य मानहादुर रावलले पनि सभामुखको उम्मेदवार दिएका छन् । उनको प्रस्तावकमा पृथ्वीबहादुर सिंह र समर्थकमा मेघराज खड्का छन् ।
सभामुख चयनका लागि सुदूरपश्चिममा भोलि बिहीबार मतदान हुने छ ।
प्रतिक्रिया दिनुहोस्