पाल्पा एमालेको अध्यक्षमा घिमिरे निर्विरोध

काठमाडौं । नेकपा एमाले पाल्पाको अध्यक्षमा धनेन्द्र घिमिरे निर्विरोध चयन भएका छन् । जिल्ला अधिवेशनबाट घिमिरे निर्विरोध चयन भएका हुन् । जिल्ला कमिटी १ सय ५ सदस्यीय बनेको छ । कमिटीको उपाध्यक्षमा देवीलाल लामिछाने, सचिव भोजराज पोखरेल, उपसचिव टीका थापा र सुनिता शर्मा निर्विरोध भए ।

तानसेन नगरपालिका–९, तिन्टीआँप मदनपोखरामा एमालेको अधिवेशन शुक्रबार सुरू भएको हो । शुक्रबार नै एमालेले सर्वसम्मत रुपमा जिल्ला कमिटी गठन गरेको हो ।