काठमाडौं । सत्तारुढ दल नेपाली कांग्रेसको केन्द्रीय कार्य सम्पादन समितिको बैठक आज बस्दै छ । दिउँसो दुई बजे पार्टी केन्द्रीय कार्यालय सानेपामा बस्ने बैठकमा स्थानीय तह निर्वाचन केन्द्रित भएर छलफल हुने केन्द्रीय कार्यालयका मुख्य सचिव कृष्णप्रसाद पौडेलले जानकारी दिए ।
बुधबार बसेको सभापति शेरबहादुर देउवा बाहेकको पदाधिकारी बैठकले केन्द्रीय कार्य सम्पादन समिति बैठकमा स्थानीय तह निर्वाचन केन्द्रीत छलफल गर्ने निर्णय गरेको थियो ।स्थानीय तह निर्वाचनमा पार्टीलाई कसरी सशक्त बनाउने भन्ने विषयमा बैठकमा छलफल गरिने कार्यालय सचिव पौडेलले बताए ।
आगमी बैशाख ३० गतेका लागि तय भएको स्थानियतहको निर्वाचनमा पार्टिको रणनीति के हुने, सहकार्य गर्दा को संग कसरी गर्ने भन्ने लगाएतका विषयमा दलहरु छलफलमा जुट्न थालेका छन् ।
प्रतिक्रिया दिनुहोस्