काठमाडौं । नेकपा एमालेले पार्टी कामलाई व्यवस्थित ढंगले अघि बढाउन र विभागहरुको कार्ययोजना बनाउन विभागीय प्रमुखहरुको बैठक बसिरहेको छ ।
बानेश्वरको अल्फाविटामा भइरहेको बैठकमा ३४ वटा विभागका प्रमुखहरु मध्ये २२ वटा विभागका प्रमुखहरुको उपस्थिति छ । बैठकमा विभागहरुको कार्ययोजना निर्माण, आफ्ना आफ्ना विभाग अन्तरगतका कामहरु दशैभरि व्यवस्थित ढंगले सञ्चालन गर्न र त्यसको नियमित रिर्पोटिङ पार्टीमा गर्न महासचिव शंकर पोखरेलले निर्देशन दिनुभएको छ ।
बैठकमा उपमहासचिव विष्णु रिमाल, सचिव योगेश भट्टराईका साथै विभागका प्रमुखहरूले पार्टी कामका सन्दर्भमा धारणा राखेको एमालेले जनाएको छ । विभागहरूलाई छिट्टै पूर्णता दिने, कार्ययोजना बनाउने, आफ्नो क्षेत्रको काम अघि बढाउने र समन्वयात्मक रूपमा काम अघि बढाउने निर्णय भएको छ ।
एमाले केन्द्रीय कार्यलय सचिव डा.भिष्म अधिकारीका अनुसार बैठकमा विभागहरुलाई चाँडै पूर्णता दिने सहमती पनि भएको छ।
प्रतिक्रिया दिनुहोस्