प्रचण्डले पत्रकार सम्मेलन गर्दै

काठमाडौं । नेकपा माओवादी केन्द्रका अध्यक्ष पुष्षकमल दाहाल प्रचण्डले पत्रकार सम्मेलन गर्ने भएका छन्। एमसिसी पास भएपछि पहिलोपटक उनले आफ्नै निवास खुमलटारमा पत्रकारहरूलाई भेटघाटमा बोलाएको प्रचण्डका स्वकीय सचिव रमेश मल्लले जानकारी दिए ।

एमसिसी पास भएपछि प्रचण्डको आलोचना सुरु भएको छ । नेकपा माओवादी केन्द्रले संसदीय दलको बैठकमार्फत् एमसिसीको विपक्षमा उभिने निर्णय गरेको थियो।माओवादी केन्द्रले एमसिसीको विरोधमा सडक आन्दोलन समेत गरेको थियो। तर आइतबार एमसीसीको व्याख्या सहित संसदबाट पास भएको छ ।

पछिल्लोपटक विकसित राजनीतिक घटनाक्रमबारे प्रचण्डले पत्रकार सम्मेलन गर्न लागेका हुन्। पत्रकार सम्मेलन दिउँसो ३ बजे हुँदैछ।