काठमाडाैँ । त्रिभुवन विश्वविद्यालयले स्नातक र स्नातकोत्तर तहमा नयाँ शैक्षिक क्यालेण्डर प्रकाशन गरेको छ ।
त्रिवि परीक्षा सुधार तथा समन्वय परिषद्को माघ ३ गते बसेको बैठकको निर्णयअनुसार शैक्षिक क्यालेण्डर निकालिएको हो । वार्षिक तथा सेमेष्टार प्रणालीअन्तर्गत स्नातक तह र सेमेष्टर प्रणालीअन्तर्गत स्नातकोत्तर तहको क्यालेण्डर प्रकाशित गरेको त्रिविले जनाएको छ ।
जसअनुसार स्नातक तह प्रथम वर्षको परीक्षा २०८१ भदौ दोस्रो हप्ताबाट सञ्चालन हुनेछ । सेमेष्टर प्रणालीअन्तर्गत स्नातक तह पहिलो सेमेष्टरको परीक्षा २०८१ बैशाखमा निर्धारण गरिएको छ ।
त्यस्तै, स्नातकोत्तर तह पहिलो सेमेष्टरको परीक्षा भने २०८१ असारमा हुने शैक्षिक क्यालेण्डरमा उल्लेख छ । भर्ना र परीक्षाको प्रकृति भिन्न भएका अध्ययन संस्थानअन्तर्गत सञ्चालित वार्षिक तथा सेमेष्टर प्रणालीका शैक्षिक क्यालेण्डर सम्बन्धित डीन कार्यालयको वेबसाइटमा हेर्न सकिने त्रिवि परीक्षा नियन्त्रण कार्यालयले जनाएको छ ।
प्रतिक्रिया दिनुहोस्