काठमाडौं । प्रतिनिधिसभा सदस्य बृजेशकुमार गुप्तासहित विभिन्न पार्टीका नेता-कार्यकर्ता एमाले प्रवेश गरेका छन् । कपिलवस्तु सदरमुकाम तौलिहवामा आयोजित कार्यक्रममा बीच एमाले अध्यक्ष केपी शर्मा ओली, महासचिव शंकर पोखरेललगायतले उनीहरूलाई स्वागत गरे ।
कार्यक्रममा प्रदेश सांसद धर्मबहादुर श्रीवास्तव, कपिलवस्तु नगपालिका- १ का वडाअध्यक्ष सुदीप पौडेल, ४ का वडाअध्यक्ष रविन्द्र त्रिपाठी, १२ का वडा अध्यक्ष ओमप्रकाश पाण्डेय, बुद्धभूमि नगरपालिका-६ का वडा अध्यक्ष नन्दलाल यादव, यशोधरा गाउँपालिका- ८ का वडाअध्यक्ष शहबुद्धिन मुसलमान, कपिलवस्तु नगरपालिकाका पूर्वमेयर रामदास गुप्ता, पूर्वउपमेयर वासुदेव कसौधन, कृष्नगरका युवा नेता कुनालप्रताप शाहलगायतका नेता-कार्यकर्ता प्रवेश गरेका छन् ।
सांसद गुप्ता ७ हजार कार्यकर्तासहित प्रवेश गर्नुभएको एमाले जिल्ला अध्यक्ष डम्मर शर्माले जनाए। त्यसैगरी कृष्णनगर नगरपालिकाका युवा नेता कुनालप्रताप शाहसहित ३ हजार कार्यकर्ता एमाले प्रवेश गर्नुभएको सो दलले जनाएको छ । नेपाली काँग्रेस, जनता समाजवादी पार्टी, माओवादी केन्द्र, राप्रपा लगायतबाट नेता तथा कार्यकर्ता एमाले प्रवेश गरेको एमालेले जनाएको छ ।
प्रतिक्रिया दिनुहोस्