अर्थ जङ्ग शाही
काठमाडौं । नेपाली कलाकारिता क्षेत्रमा अहिले नायिका तथा मोडल अनिता गिरिको चर्चा बढ्दो छ । विगत सात वर्षदेखि कला क्षेत्रमा अनवरत रुपले काम गर्दै आएकी अनिता विभिन्न म्युजिक भिडियो, टीभीसी एड, सर्ट फ्लिम हुँदै अहिले ठूलो पर्दामा ‘द आउट लयर’मा देखिँदै छिन्।
सानै उमेरदेखि कला क्षेत्रमा लागेकी उनी एउटा कुशल कलाकार बन्न जस्तोसुकै भूमिका निर्वाह गर्न सक्षम रहेको मान्यता राख्छिन्। अनिता आफ्नो कलाले सबैको मन जित्न चाहान्छिन्। उनले आफ्नो परिचयात्मिक सिनेमाटिक भिडियो मध्यरातको १२ बजे आफ्नो युट्युब च्यानलबाट सार्वजनिक गरेकी छन्। हाल उनी कला क्षेत्रमा आबद्ध भएका हस्तीहरूसँग सहकार्य गर्दै छिन् ।
सो सिनेमाटिक भिडियोलाई सम्पादन पदम सुवेदीले गरेका छन् भने कलर ग्रेडिङ मिलन विश्वकर्माले गरेका हुन्। यस्तै छायांकन विनोद तामाङ र सुभास श्रेष्ठ प्रधानले निर्देशन गरेका छन्।
प्रतिक्रिया दिनुहोस्