हाल दक्षिण कोरियामा रहेका पत्रकार तथा सामाजिक अभियान्ता राजु रसालीको समानता जुटौं बोलको गीत सार्वजनिक भएको छ ।
जातीय छुवाछुत र भेदभाव हटाई सामाजिक न्यायको स्थापना गर्नको लागि “ आऊ संगी साथी अब एक भएर जुटौं, समानताको पक्षमा दलित सबै उठौँ” भन्ने जनचेतनामूलक गीत सार्वजनिक भएको हो ।
गीतमा संगित तथा एरेन्ज लोक गायक तथा संगीतकार पदम बि.सिले गरेका छन । त्यस्तै स्वर वरिष्ठ गायक राजु परियारले दिएका छन् ।
रसालीको यो पहिलो गीत हो । पाल्पा जिल्ला घरभई बि.स.२०६० सालबाट रेडियो पत्रकारिताबाट सामाजिक अभियन्ताको रुपमा काम सुरु गरेका रसाली जनउत्थान प्रतिष्ठानका पूर्व महासचिव पनि हुन् ।
दलित विषय वस्तुमा कलम चलाउने रसालीका विभिन्न पत्र-पत्रिकाहरुमा लेख तथा रचनाहरु प्रकाशन भएका छन् ।
प्रतिक्रिया दिनुहोस्