मुम्बई । साउथ अभिनेत्री नयनतारा पछि अब आन्ध्र प्रदेशमा एक फ्यानले अर्की अभिनेत्री समान्था रुथ प्रभुको मन्दिर बनाएका छन् ।
साउथ फिल्ममा कुनै पनि फ्यानले आफ्नो मनपर्ने कलाकारको मन्दिर निर्माण गर्ने पुरानै परम्परा हो । नयनतारा, हंसिका मोटवानी र नमितापछि अब भने समान्थाको मन्दिर बनेको हो ।
सामन्था ‘द फेमिली मेन २’ र ‘पुष्पा’का कारण लोकप्रिय छिन् । उनको आन्ध्र प्रदेशको बापाटलास्थित अल्लपाडु गाउँमा एक मन्दिर बनेको छ । समान्थाका फ्यान तेनाली सन्दिपले मन्दिर बनाएका हुन् । मन्दिर २८ अप्रिलमा खुल्नेछ ।
रोचक कुरा के छ भने ती फ्यानले अहिलेसम्म समान्थालाई भेट्ने मौका पाएका छैनन् । तेनालीले आफू समान्थाको फिल्ममात्र नभई उनको च्यारिटी कामबाट पनि प्रभावित भएको बताएका छन् ।
समान्था प्रत्युषा फाउण्डेसनमार्फत सामाजिक काम गर्छिन । उनको मन्दिर बनेको विषयमा समान्था र उनको टिमले कुनै प्रतिक्रिया दिएको छैन ।
प्रतिक्रिया दिनुहोस्