काठमाडौं । लोक तथा दोहोरी गायक प्रकाश सपुतमाथि बियर बोतल प्रहार भएको छ। कार्यक्रमका लागि रोमानियामा रहेका गायक प्रकाश सपुतमाथि कार्यक्रम चलिरहदा स्टेजमै बियरको बोतल प्रहार भएको छ ।
गायक सपूतमाथि बोतल प्रहार भएपछि प्रस्तुति छोडेर हिँडेको भिडियो अहिले सामाजिक सञ्जालमा भाइरल भएको छ ।गायक सपुत केही दिनअघि सांगीतिक कार्यक्रमका लागि रोमानिया गएका थिए । हिजो नेपाली समय अनुसार १२ बजे राति स्टेजमा गीत गाइरहँदा उनीमाथि आक्रमण भएको बताइएको छ ।
यथार्थपरक वा नेपाली सांगीतिक क्षेत्रका ब्राण्डका रुपमा प्रख्याति कमाएका उनी पछिल्लो समयमा विवादित समेत छन् । उनीमाथि यथार्थताका नाममा अर्को पक्षमाथि लाञ्छना लाउने गरेको आरोपसमेत छ ।
सपुतले ‘बोल माया‘’ गीत गाइरहँदा अचानक आधा पिएको क्यान बियर हुर्याइएको थियो । सपुतले त्यसलाई छल्न भ्याएनन् । उनको निधारमा सामान्य चोट लागेको छ । बोतल प्रहारपछि आधा घण्टाजति बिथोलिएको कार्यक्रमलाई गायक सपुतले पुनः गीत गाएर निरन्तरता दिएका थिए।
प्रतिक्रिया दिनुहोस्