काठमाडौं । आईटी व्यवसायी एवं कलाकार द्रोण पराजुलीले सूचना प्रविधि क्षेत्रको प्रोत्साहन एवं प्रवर्द्धन गर्ने उद्देश्यसहित गीत सार्वजनिक गरेका छन् ।
‘सूचना र प्रविधि यो’ बोलको उक्त गीत पराजुलीको आधिकारिक युट्युब च्यानलमा अपलोड गरिएको छ ।
सूचना प्रविधि क्षेत्रमा जागरण र ऊर्जा जागृत गर्न एआईमा आधारित म्युजिक भिडिओमार्फत् यो गीत तयार पारिएको उनले बताए ।
गीतमार्फत् सूचना प्रविधि क्षेत्रका रोजगारदाता, कर्मचारी, उद्योगी,सरोकारवालालाई एउटै छातामुनी समेटी एकता, सद्भाव र भाइचारासहित आर्थिक समृद्धिको यात्रामा समाहित हुन आह्वान गरिएको छ ।
उक्त गीतमा शब्द, संगीत तथा स्वर पराजुली आफैंकाे रहेकाे छ भने खुसी पराजुलीले कोरसमा स्वरांकन गरेकी छिन् । हार्मोनिक रेकर्डिङ स्टुडियोमा रेकर्ड गरिएको गीतमा विक्रम थापाको रेकर्डिङ सहयोग र विसन मानन्धरको एरेन्जमेन्ट रहेको छ ।
प्रतिक्रिया दिनुहोस्