दमक\ दमक १ निवासी अग्रज लोकगायक लक्ष्मीप्रसाद जोशी (एलपी) सम्मानित भएका छन् । ख्रीष्टमसको अवसर पारेर झापाको दमकमा नगर इसाई समाजले शुभकामना आदानप्रदान कार्यक्रमका वीच ८७ बर्षिय जोशीलाई गीतसंगीतको क्षेत्रमा योगदान पुरयाँएवापत सम्मान गरेको हो ।
कार्यक्रममा उनलाई दमक नगरपालिकाका प्रमुख रामकुमार थापाले सम्मानपत्र,नगद प्रदान गरे । गायक जोशीका रिटिङ् रिटिङ् नबजाउ बिनायो, ओल्लो खोलो–पल्लो खोलो लगायतका दशकौ पुराना गीतहरु अझै पनि लोकप्रिय छन् ।समाजका अध्यक्ष आकास थुलुङको अध्यक्षतामा भएको सो कार्यक्रममा प्रमुख अतिथि नगर प्रमुख थापा, दमक ६ का वडाअध्यक्ष टेकबहादुर थापा लगायतले शुभकामना मन्तव्य राखेका थिए ।
त्यसैगरि, कार्यक्रममा सम्मानित व्यक्तित्व जोशीले आफना पूराना लोकगीतहरु प्रस्तुत गरेर मनोरञ्जन प्रदान गरेका थिए । सो कार्यक्रममा इसाई समाजमा आवद्ध संगीतकर्मीहरुले गीत,नृत्यहरु समेत प्रस्तुत गरेका समाजका सचिव अजय पाठकले जानकारी दिए ।
प्रतिक्रिया दिनुहोस्